"Οὗτος ἐστιν, ὀ διά νόμου λαλήσας οὗτος ἐστιν, ὁ ἐν Προφήταις ρηθείς ὁ σαρκωθείς δι' ἡμᾶς, καί σώσας τόν ἄνθρωπον. Αὐτόν προσκυνήσωμεν". (Στιχ. Ἑσπερινοῦ).
"Οὗτός ἐστιν, ὅν ὁ Δαυίδ καταγγέλλει, οὗτός ἐστιν, ὁ ἐν Προφήταις λαλήσας ὁ σαρκωθείς δι' ἡμᾶς, καί νόμω φθεγγόμενος. Αὐτόν προσκυνήσωμεν". (Στιχ. Ἑσπερινοῦ).
"Ὁ παλαιός ἡμερῶν, ὁ καί τόν νόμον πάλαι ἐν Σινᾶ δούς τῶ Μωσεῖ, σήμερον βρέφος ὁρᾶται καί κατά νόμον, ὡς νόμου Ποιητής, τόν νόμον ἐκπληρῶν, ναῶ προσάγεται, καί τῶ Πρεσβύτη ἐπιδίδοται…". (Ἰδιόμελον Λιτῆς).
"Σήμερον Συμεών ἐν ταῖς ἀγκάλαις, τόν Κύριον τῆς δόξης ὑποδέχεται, ὅν ὑπό τόν γνόφον πρώην ὁ Μωϋσῆς ἐθεάσατο, ἐν τῶ ὄρει τῶ Σινᾶ πλάκας δόντα αὐτῶ. Οὗτός ἐστιν, ὁ ἐν τοῖς Προφήταις λαλῶν, καί τοῦ νόμου Ποιητής οὗτός ἐστιν ὅν ὁ Δαυίδ καταγγέλλει…". (Ἰδιόλεμον Λιτῆς).
"Ὁ παλαιός ἡμερῶν, νηπιάσας σαρκί, ὑπό Μητρός Παρθένου τῶ Ἱερῶ προσάγεται, τοῦ οἰκείου νόμου πληρῶν τό ἐπάγγελμα…". (Θεοτόκιον Λιτῆς).
"Νηπιάζει δι' ἐμέ, ὁ Παλαιός τῶν ἡμερῶν καθαρσίων κοινωνεῖ, ὁ καθαρώτατος Θεός, ἴνα τήν σάρκα πιστώση μου, τήν ἐκ Παρθένου…". (Κάθισμα πολυελέου).
"Ἐν τοῖς Προφήταις ὡράθης, ὡς θέμις ἦν Ἰησοῦ, σέ θεαθῆναι πάλαι ἀλλά νῦν Θεοῦ Λόγε, σαρκί παντί τῶ κόσμω, 'ώφθης ἐκών, ἐκ Παρθένου Μαρίας Χριστέ…". (Μεθέορτον τιχηρόν).
"Σήμερον Συμεών ἐν ταῖς ἀγκάλαις τόν Κύριον τῆς δόξης ὑποδέχεται, ὅν ὑπό τόν γνόφον πρώην ὁ Μωυσῆς ἐθεάσατο, ἐν τῶ ὄρει Σινᾶ πλάκας δόντα αὐτῶ Οὗτός ἐστιν, ὁ ἐν τοῖς Προφήταις λαλῶν, καί τοῦ νόμου Ποιητής ὅν ὁ Δαυίδ καταγγέλλει ὁ τοῖς πᾶσι φοβερός, ἔχων τό μέγα καί πλούσιον ἔλεος". (Δοξαστικόν μεθέορτον).
"Θεόν ἀνθρώποις ἰδεῖν ἀδύνατον, ὅν οὐ τολμᾶ Ἀγγέλων ἀτενίσαι τά τάγματα, διά σοῦ δέ Πάναγνε ὡράθη βροτοῖς Λόγος σεσαρκωμένος ὅν μεγαλύνοντες, σύν ταῖς οὐρανίαις στρατιαῖς σε μακαρίζομεν". (Εἰρμός Δ' ὠδῆς).